Suriyanın Prezidenti Əhməd əş-Şəraa Süveyda vilayətinin şagirdlərinə əsas və orta təhsil üzrə buraxılış imtahanlarında iştirak üçün xüsusi sessiyanın keçirilməsi barədə fərman imzalayıb. Fərmana əsasən, 2026-cı il imtahanlarında iştirak etməyən və ya bütün fənlər üzrə imtahan verə bilməyən, tələb olunan şərtlərə cavab verən şagirdlər xüsusi sessiyada iştirak edə biləcək.

Suriyanın Təhsil Nazirliyi 2026-cı il üzrə əsas təhsil və şəriət hazırlıq məktəblərinin buraxılış imtahanlarının nəticələrini açıqlayıb. Nazirliyin məlumatına görə, imtahanlarda ümumilikdə 432 min 549 şagird iştirak edib. Əsas təhsil üzrə 419 min 817 şagird imtahan verib. Müntəzəm təhsil alanlar arasında nəticə 65,5 faiz, sərbəst təhsil alanlar arasında isə 43 faiz təşkil edib.