Azərbaycan Xarici İşlər Nazirliyi İndoneziyada 7,7 bal gücündə baş verən güclü zəlzələ nəticəsində insanların həlak olması və çoxsaylı şəxslərin yaralanması ilə əlaqədar başsağlığı verib. Zəlzələnin episentri Flores adasının sahilləri yaxınlığında, Şərqi Nusa-Tenqara əyalətindəki Ende şəhərindən 68 kilometr məsafədə qeydə alınıb. Son məlumata əsasən, təbii fəlakət nəticəsində azı 38 nəfər həyatını itirib.