Husi hərəkatının müdafiə naziri Məhəmməd Əl-Ətafi silahlı qüvvələrin İranın ali rəhbərinin göstərişlərini yerinə yetirməyə hazır olduqlarını açıqlayıb. O bildirib ki, Yəmən xalqına qarşı mühasirə davam edərsə, hərəkat bütün tapşırıqları icra etməyə hazır olacaq. Əl-Ətafi silahlı qüvvələrin tam hazırlıq vəziyyətində olduğunu vurğulayıb. O, eyni zamanda Səudiyyə Ərəbistanını və onu dəstəkləyən ölkələri sərt şəkildə xəbərdar edib. Nazir husilərin qarşıdakı hadisələrdən asılı olaraq bütün mümkün vasitələrdən istifadə edə biləcəyini bildirib. Açıqlama bölgədə hərbi və siyasi gərginliyin artdığı bir vaxtda səsləndirilib. Bu bəyanat Yəmən münaqişəsinin daha da genişlənə biləcəyi ilə bağlı narahatlıqları artırıb. Analitiklər bölgədə vəziyyətin inkişafının növbəti günlərdə mühüm əhəmiyyət daşıyacağını qeyd edirlər.