İran Səhiyyə Nazirliyi ABŞ-ın bu ay həyata keçirdiyi hücumlarda azı 35 nəfərin öldüyünü açıqlayıb. Məlumata görə, hücumlar nəticəsində 300 nəfər yaralanıb. İtkilərin böyük hissəsi İranın cənub vilayətlərində qeydə alınıb. Nazirlik ölən və yaralananların mülki və ya hərbçi olması barədə bölgü təqdim etməyib. Yaralıların səhhəti ilə bağlı da ətraflı məlumat açıqlanmayıb. ABŞ son günlər İranın cənub və sahilyanı ərazilərindəki çoxsaylı obyektlərə zərbələr endirdiyini bildirib. Vaşinqton hücumların hərbi hədəflərə yönəldiyini iddia edir. İran tərəfi isə bəzi mülki ərazilərin də zərər gördüyünü bildirir.

ABŞ-nin son iki gün ərzində İrana endirdiyi zərbələr nəticəsində azı 14 nəfər həlak olub, 78 nəfər isə yaralanıb. Hadisə ABŞ və İran arasında son günlər yenidən artan hərbi gərginlik fonunda baş verib. Tərəflər arasında qarşılıqlı zərbələr və bəyanatlar regionda təhlükəsizlik vəziyyətini daha da mürəkkəbləşdirib