Hizbullahın baş katibi Nəim Qasım Beyrutda keçirilən mərasimdə təşkilatın mövqeyi ilə bağlı açıqlamalar verib. O bildirib ki, Hizbullah müqavimət prinsiplərinə və işğal olunmuş torpaqların azad olunması məqsədinə sadiq qalır. Qasım təşkilatın Livan Konstitusiyası və Taif Sazişi çərçivəsində fəaliyyət göstərdiyini vurğulayıb. Onun sözlərinə görə, Hizbullah xarici hökmranlıq və siyasi asılılığı qəbul etmir. Qasim təşkilatın fəaliyyətini ədalətsizlik və xarici müdaxiləyə qarşı mübarizə kimi qiymətləndirib. O qeyd edib ki, işğalın rədd olunması istiqamətində atılan hər addım qələbə hesab olunur. Hizbullah lideri silahlı qarşıdurma ilə üzləşdikdə eyni üsulla cavab verdiklərini də bildirib. Açıqlamalar İsrail və Hizbullah arasında atəşkəs xəbərləri fonunda səsləndirilib.