26 mart 1979-cu il tarixində Vaşinqtonda, Ağ Evin bağçasında dünya tarixinin ən mühüm diplomatik hadisələrindən biri baş verib. Misir Prezidenti Ənvər Sadat və İsrailin Baş naziri Menaxem Begin ABŞ Prezidenti Cimmi Karterin vasitəçiliyi ilə rəsmi sülh müqaviləsini imzalayıblar. Bu sənəd iki ölkə arasında 30 ildir davam edən hərbi münaqişəyə son qoyaraq, diplomatik və kommersiya əlaqələrinin əsasını qoyub.