Qəzza zolağında son aylarda formalaşan silahlı dəstələrin fəaliyyətində müşahidə olunan taktiki dəyişikliklər “HƏMAS”ın daxili təhlükəsizlik mühitini daha da mürəkkəbləşdirib və hərəkata qarşı yeni təhlükəsizlik çağırışları yaradıb. Əvvəlki mərhələdə əsasən nizamsız və spontan fəaliyyət göstərən silahlı qruplar son dövrdə daha planlı, məqsədli və hədəfyönlü əməliyyatlara keçiblər. Bu dəstələr arasında xüsusilə Şuqi Əbu Nusayra və Husam Əs-Tal qruplaşmalarının son bir ayda iki yüksək rütbəli “HƏMAS” təhlükəsizlik rəsmisinə qarşı həyata keçirdiyi sui-qəsdlər ciddi rezonans doğurub.