Portuqaliya millisinin heyətində futbol üzrə 2016-cı il Avropa çempionatının qalibi olmuş tanınmış futbolçu Nani karyerasını Qazaxıstanda davam etdirəcək. Nani bildirib ki, “Aktobe”yə qoşulmaqdan məmnundur və həm klubun, həm də Qazaxıstan futbolunun inkişafına töhfə vermək niyyətindədir. Onun sözlərinə görə, klubun gələcəyə dair baxışı onda müsbət təəssürat yaradıb və həm ölkə daxilində, həm də beynəlxalq arenada yeni uğurlar qazanmaq üçün əzmlə çalışacaq.

Çelsi klubu Kol Palmerin gələcəyi ilə bağlı yayılan iddialara qəti mövqe sərgiləyib. Palmer Çelsi üçün toxunulmaz futbolçu hesab olunur və klub onunla bağlı heç bir transfer təklifini nəzərdən keçirməyi planlaşdırmır. Çelsi gənc futbolçunun uzun illər komandanın əsas sütunlarından biri olacağına inanır.

Kol Palmer "Çelsi"ni tərk etməyəcək. Əvvəl Britaniya mətbuatı məlumat vermişdi ki, yarımmüdafiəçi "Çelsi"də darıxır və "Mançester Yunayted"ə keçə bilər. 23 yaşlı oyunçu belə niyyətləri barədə London klubunun rəhbərliyinə məlumat verməyib. Keçən İngiltərə çempionatının ən yaxşı oyunçularından biri olan Palmer "Çelsi" üçün toxunulmazlardan hesab olunur, onu satmaq planlaşdırılmır

“Mançester Yunayted” yarımmüdafiəçi Ruben Neveşin transferi üçün Səudiyyə Ərəbistanının “Əl-Hilal” klubuna rəsmi təklif göndərib. Bu barədə jurnalist Ekrem Konur “X” sosial şəbəkəsində məlumat paylaşıb.

“Kristal Palas”ın mərkəz müdafiəçisi Mark Qehinin transferinin başa çatmasından sonra “Mançester Siti” “Nottinqem Forest”in yarımmüdafiəçisi Elliot Andersonu növbəti əsas transfer hədəfi kimi müəyyən edib. Mənbəyə görə, “Siti” klubunun 23 yaşlı futbolçunu aktiv şəkildə transfer etməsi gözlənilir, lakin bu proses yaya qədər təxirə salına bilər. “Mançester Yunayted” “Mançester Siti”nin Anderson məsələsində rəqibi ola bilər.

“Mançester Yunayted”in baş məşqçisi Maykl Karrik komandanın mövsümün qalan hissəsi üçün hədəflərindən danışıb.

Mançester Yunayteddə Ruben Amorimin istefasından sonra yeni baş məşqçi axtarışları davam edərkən, klubun sabiq məşqçi heyətinin üzvü Rene Meulenstin rəhbərliyə Karlo Ançelottinin namizədliyini ciddi şəkildə nəzərdən keçirməyi tövsiyə edib.

Mançester Yunatedinin müdafiəçisi Lisandro Martinez ağır zədələr fonunda peşəkar futbol karyerasını vaxtından əvvəl başa vurmağı ciddi şəkildə düşündüyünü açıqlayıb. 27 yaşlı müdafiəçi ötən ilin fevralında Kristal Pelasa qarşı matçda dizinin ön çarpaz bağlarını (ACL) zədələyib və doqquz ay yaşıl meydanlardan kənarda qalıb. Martinez etiraf edib ki, bərpanın ilk həftələrində futboldan tamamilə uzaqlaşmaq fikri onun üçün real seçimə çevrilib.

"Mançester Yunayted" klubdaxili danışıqlardan sonra “Çelsi”nin futbolçusu Koul Palmerə təklif göndərməyi qərar verib. “Qırmızı şeytanlar” klubdakı gələcəyi qeyri-müəyyən olan 31 yaşlı yarımmüdafiəçi Bruno Fernandesin gedişini nəzərə alaraq, onu Palmerlə əvəzləyəcək.

İngiltərənin Mançester Yunayted klubu baş məşqçi Ruben Amorim ilə yollarını ayırıb. Klubun qərarı rəsmi olaraq X sosial şəbəkəsindəki hesabı vasitəsilə açıqlanıb. Ruben Amorim Mançester Yunaytedə 2024-cü ilin payızında baş məşqçi təyin olunmuşdu. Onun rəhbərliyi altında komanda əvvəlki mövsümdə Premyer Liqanı 15-ci pillədə başa vurub. Bununla yanaşı, Mançester Yunayted UEFA Avropa Liqasının finalına yüksəlib, lakin həlledici görüşdə Tottenhemə məğlub olub.

“Napoli” bu qış “Mançester Yunayted”in yarımmüdafiəçisi Kobbi Mayno ilə maraqlanır. 20 yaşlı ingilis futbolçu İtaliya çempionları üçün prioritet transfer hədəfi sayılır. Lakin transfer yalnız Noa Lanqın komandadan ayrılması halında mümkün ola bilər. Lanq hazırda “Qalatasaray”ın maraq dairəsindədir. Tərəflər arasında danışıqların yaxın həftələrdə intensivləşəcəyi gözlənilir.

Futbol üzrə İngiltərə Premyer Liqasında XVI turun daha bir oyunu keçirilib. "Mançester Yunayted" səfərdə "Aston Villa"nın qonağı olub. Görüş meydan sahiblərinin 2:1 hesablı qələbəsi ilə başa çatıb.