Silahlanmaya yeni qəbul edilmiş “Hero - 120” sərbəst uçan döyüş sursatları ilk dəfə Bakıda Vətən müharibəsində Qələbənin beşinci ildönümü münasibətilə keçirilən hərbi paradda nümayiş etdirilib. Həmçinin silahlanmaya yeni qəbul edilmiş Milli Müdafiə Sənayesinin məhsulu "Vaşaq" xüsusi əməliyyat nəqliyyat vasitələri, "Kobra 2" zirehli tibbi təxliyyə avtomobilləri ilk dəfə nümayiş etdirilib.

Bakıda Vətən müharibəsində Qələbənin beşinci ildönümü münasibətilə keçirilən hərbi parad keçirilir. Hərbi paradda ilk dəfə ən müasir qoşun növü olan insansız sistem qoşunlarının parad heyəti keçib.

Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyevin müvafiq tapşırığına əsasən, noyabrın 8-də Bakı şəhərində Zəfər Gününün beşinci ildönümü münasibətilə hərbi parad keçiriləcək. Bu barədə Müdafiə Nazirliyi məlumat yayıb. Bildirilir ki, arada hazırlıqla bağlı Azərbaycan Respublikasının Silahlı Qüvvələrinin, o cümlədən Azərbaycan Ordusunun bölmələri ilə məşqlər keçirilir.