Bakı. AzerVoice:
“Qarabağ”a uğurlar arzu edirəm”.
Bunu İdman.bizə açıqlamasında Azərbaycanın gənclər və idman naziri Fərid Qayıbov deyib.
O, “Qarabağ”ın Avropa Liqasının pley-off mərhələsinin “Braqa” ilə cavab oyunu haqda fikirlərini bildirib.
Qayıbov görüşü stadiondan izləyəcəyini və Azərbaycan çempionuna inandığını vurğulayıb.
“Sabah hamımız stadiondayıq. Hamınızı da görüşə dəvət edirəm. İnanıram ki, stadion azarkeşlərlə dolu olacaq. Hamımız komandamıza inanırıq və uğurlar arzu edirik”, - deyə o bildirib.
Qeyd edək ki, Tofiq Bəhramov adına Respublika stadionunda baş tutacaq “Qarabağ” – “Braqa” görüşü saat 21:45-də başlayacaq. İlk matçda Ağdam təmsilçisi 4:2 hesabı ilə qalib gəlib.
İdman.biz
