Bakı,AzerVoice
İraqın elektrik enerjisi naziri Ziad Əli Fadel Türkmənistanla gündəlik 20 milyon kubmetr qaz tədarükünü təmin etmək üçün müqavilə imzalayıb.
AzerVoice xəbər verir ki, Türkmənistanın Türkmənqaz Dövlət Korporasiyası Başçısı Maksat Babayev İraqda rəsmi görüşlər keçirib.
Fadel, bu qaz axınının ölkənin elektrik infrastrukturunun inkişafında mühüm rol oynayacağını vurğulayıb.
“İdxal olunan bu miqdarda qaz, qazla işləyən elektrik stansiyalarımızın tam işləməsinə töhfə verməklə milli şəbəkə üçün sabitliyi təmin edəcək",- deyə o bildirib.
Fadel, İsveçrənin “Loxstone Energy” şirkəti ilə əməkdaşlıq çərçivəsində mübadilə mexanizmi əsasında Türkmənistan qazının İranın boru kəmərləri şəbəkəsi vasitəsilə İraqa nəql ediləcəyini açıqlayıb.